AH LB KA?!

Ngayon ko lang nalaman, ang dami palang perceptions ng mga tao about UP Los Banos. Sa tuwing sinabi kong dito ako nag-aaral, iba-iba rin ang sagot nila.

“Ah, aktibista ka na rin ba?” Marami kasing aktibistang taga-UP. Oo nga naman… Pero take it from me… mas marami sa Diliman.

“Maraming multo don diba?” Ngek! Marami ngang nagkekwento sa akin. Marami daw multo sa Hum, Baker Hall, Math Building, Library, BioSci, Palma bridge, PhySci, Men’s Dorm, lahat na yata ng lugar dito sa UPLB may multo. Isama mo pa ang estatwang si Mariang Banga na bumababa daw sa kanyang pwesto. In fairness, ang tagal ko na dito pero wala pa naman akong encounter so far. Pati nga ate ko wala pa rin eh alumna na yun.

“Nerd ka na ba?” How I wish. Sa totoo lang, wala pa akong na-meet dito sa LB na masasabi kong geek. Gaya ng ibang colleges, normal na tao din lang ang mga estudyante dito. May night life at enjoyment din sa buhay.

“Eh di wala ka na ring dress code?” Ganun? Wala akong masabi. Walang pakialamanan, kung gusto kong mag-short pagpasok, carry lang. Ganon naman dito sa UP eh, everyone has his own style and no one has the right to question that.

“Pang-mayaman na ang UP ngayon, diba?” Pwede rin, dahil sa tuition fee increase na nag-welcome sa aming mga freshie. Pero hindi pa rin, dahil marami sa amin ang nakapag-aral, despite the tuition, dahil sa scholarships. Ako naman hindi rin mayaman eh.

“Pang-mahirap ang UP, diba?” Contradicting naman sa naunang statement. Ewan ko ba sa mga tao. To tell you guys, halo halo ang mga tao sa UP. Lahat ng uri ng tao nandito na.

“Namumundok ka na rin?” Ano naman yun? Hindi porket may BS Forestry sa LB, lahat na ng part ng UPLB ay magubat.

Marami pang masasabi ang mga tao sa alma mater ko. Ang masasabi ko lang, mahal ko ito! Period!